| ОреШок |
Болар сезнең сайтыгызда булмаска тиеш. |
|
Интернет куллануның бераз тәҗрибәсе булу белән башлаучы веб-төзүчеләрнең сайтларын бик тиз танырга була. Аларның күпчелегенә хас кайбер элементлар турында без бүген сөйләшербез дә. Анимация – мондый сайтларда иң яраткан алымнарның берсе. Алгы биттәге бик зур анимацияләнгән рәсемнәр, берничә төрле якка юнәлгән йөгерүче юллар, сүнеп-янучы рәсемнәр мондый сайтка керүчене бик тиз чыгарга мәҗбүр итәләр. Ышанып кала аласыз – ул кире кайтмаячак. Киң рәсемнәр – зур форматлы рәсемнәрнең чыгуын бик озак көтергә туры килә. Аларны кечерәйтеп булмыймы? Кнопкалар – башлаучы веб-мастерлар алгы биткә 10-20 кнопка, топлар, каталог эмблемалары, дус сайтларга ссылкалар куерга ярата. Уйлап карагыз әле: бәлки боларның кайберләре кирәк түгелдер… Бик озын текстлар – кайвакыт сайт бер бик зур файлга сыеп бетә. Бик зур хата! Кулланучы сайтны 2,5-3 экраннан да күбрәк әйләндерергә тиеш түгел. Фон - башлаучыларның ин киң таралган хаталарының берсе. Күзгә бәрелеп тора торган, чуар, бер сайт эчендә төрле фон кулланырга кирәкми. Киресенчә, бертөрле атмосфера тудырырга кирәк. Классик акка кара моделен кулланып карагыз. Хаталар – һәрвакыт үзегезнең орфографиягезне тикшерегез. Хаталар күп очракта бик авыр тәэсир калдыра һәм сайт турындагы яхшы тәэсирне боза. Горизонталь – сыгылмасыз дизайн кулланганда горизонталь әйләндерү тасмалары барлыкка киләләр. Үз сайтыгызны төрле экран форматларында тикшерегез. Төрле шрифтлар – сайт төзегәндә 5 тән дә күбрәк шрифт кулланмауны кагыйдә итеп алыгыз. Калын хәрефләр дә аерым шрифт итеп санала. «Әлеге бит ремонтта» – иң кирәксез язу! Әгәр дә сез битне төзәтәсез икән , аңа ссылкаларны алырга кирәк. Кагыйдә буларак 50 битән дә зуррак күләмле сайтларда SSI яки JavaScript куллану җайлырак. Бу сезгә төп элементларны бик тиз үзгәртү мөмкинлеге бирәчәк. Веб-дизайнда да һәр эштәге кебек үк чаманы белергә кирәк, алда санап үтелгән хаталар шуны күрсәтә. Бәлки шуңадыр танылган веб-мастерлар академик ысул гына кулланырга киңәш итәләр. Ә иң яхшысы дизайн буенча китап укып чыгыгыз. Шулвакытта сезнең сайтыгыз сезгә һәм сезнең дусларыгызга гына түгел, ә башкаларга да ошаячак. Ришат Гибадуллин. |
Мәгълүматларны кулланганда чыганак итеп Чикләвекне күрсәтү мәжбүри |
| Өйгә |
| Кунак китабы |
| Чатта әңгәмә |
| Акча эшлә |
| Сайт төзү |
| Яхшы "корал" |
| Кызык- мызык |
| Языгыз |
Яңа язмалары- гызны һәм тәкдимнәрегезне КУНАК КИТАБЫНДА язып калдыра аласыз.
| Өйгә |
| Кунак китабы |
| Чатта әңгәмә |
| Акча эшлә |
| Сайт төзү |
| Яхшы "корал" |
| Кызык- мызык |
| Языгыз |
